محدش فاهمني

(( محدش فاهمنى ))

(( أنت مش فاهمنى .........)) كام مرة قلت الجملة دى ولمين ؟؟ ياترى اللى قدامك فعلا مش هو اللى فاهمك ولا انت اللى مش عارف توصله اللى جواك ؟
ولا أنت مش فاهم نفسك أساساً ـ ودى تبقى مصيبة يا معلم ولو انها طايلة معظم الناس دلوقتى ـ وبتتهم اللى حواليك بعدم فهمك ؟
طبعا كله بيقول ( إيييييه الحكاية ؟؟ ))
الحكاية مع برناردشو ........عارفينه ؟
ده كاتب إنجليزى ...
مرة كده قال ـ بس محدش يسألنى قال لمين ؟ ـ (( محدش عرف يفهمنى غير الخياط بتاعى )) ولما سألوه ـ ومحدش برضه يسأل دول مين ؟- (( ليه يعنى ؟؟ ))
رد وقالهم (( علشان كل ما بروح عنده افصل بدلة جديدة بياخد مقاسى ))
إستغرب الى حواليه وسألوه (( يعنى إييه ؟؟ ))
قال (( هو فاهم انى بتغير مش كل مرة هبقى ثابت فى حجمى ....))
الإنسان مش آله ثابتة الانسان مجموعة من الانفعالات والمشاعر والاخلاقيات والافكار .... وكل ده قابل للتغيير بتغير الظروف والعوامل اللى حواليه
...........خدوا بالكم ............
بلاش نتعامل مع الى حوالينا على انهم الات ونطلب دايما رد فعل ثابت فى كل المواقف اللى بنتعامل معاهم فيها
ونرجع نقول مش فاهمينى
++++
النهارده انا سعيد ردى على موقف معين هيكون غير وانا عندى مشكلة ...
ركزوا فى الموقف ده
محمد له جار اسمه سامح بيتعامل معاه من سنين ضحك ولعب وتهريج
سامح فى يوم ماشى فى الشارع
ومحمد لمحه من البلكونة
(( أهلا يا سموحة فينك ))
رد سامح بجدية وقاله (( أهلا أزيك يا محمد ...)) ومشى على طول
جون قال لنفسه (( إيه التكبر ده ..فين سامح بتاع زمان ؟؟هو كل اللى يشتغل كده
فى شغل كويس
يتنطط علينا ....؟؟))
لكن ايه اللى كان ورا رد سامح كده؟؟
الحقيقة ان سامح والدته تعبانه جداً
وكان مستعجل عاوز يلحق يجبلها دكتور
............ ..
مش فى كل المواقف أناهو أنا
اصل أنا أحياناً بكون مبسوط
وأحياناً بكون حزين
بس المهم انى انسان
وعاوزك تفهمنى فى الحالتين !!!
؟؟؟؟؟؟؟؟؟؟؟؟؟؟؟؟؟
وصلت الفكرة؟

Thnanxxxx ya man 3la topic

ايه يا عم اسلام الي انت كتبه ده

مشكووووررر يا إسلام على الموضوع الجميل دة