بسـم الله الرحمن الرحيم
إحنـا عاوزيـن كلنا كا أهلاوية مش نـحـط أى حـد باعنا بالرخـيص فى سبيل المـال
مـش عاوزيـن نحـرق فى دمنـا لإن نـادى القـرن الإفريقى عمره ماهتز ولا وقف على أى لاعـب
عـاوزين ننسى إللى حصل ... هى صدمـة آه بس خلاص مافيش حاجة حترجع إللى راح
ومهما حصل ... إدارة النادى الأهلى مش بسهولة هترجع حـد رخصهـا بالشكـل دة
* عندنـا موهبـة جاية إن شاء الله وهيقفز للأمـام الفتـرة إللى جاية
لا يمكن يثـبت ذاته مع الفريق إلا بتشجيع الناس إليـه وحماسهم ليه
وأكبـر دليل على كـدة ... ماقبل مـباراة الأهلى والمحلة وما بعدها .. تشجيع جماهيرى رهـيب
أمير عبد الحميـد صد كـورة .. لو كانت دخلت جون ماكنش حد حيلومه
هو دة إللى إحنـا عاوزينوو ... نشجع اللعيبة اللى شارية الأهلى وبتحبها
نشجعها لحد ماتوصل لقمة النجومية والعطـاء
من اللحظة قـائد عرين المرمى الأهلاوى خلال سنوات قادمة هيكون أميـر عبـد الحميـد
طبيعـى إنه ما أخـدش خبـرة كفاية بس لازم كلنا نكون جمبه ودة هيشجعه أكتر وأكتر ويعطيه دفعة معنوية للأمام
ليه لأ معاه .. أحمد عادل ومحمد الشنـاوى
الأخيـر جاله عقـد إحتراف لبلجيكا ولكن مـاحصلش نصيب
بإذن الله الناس دى هتقدر تثـبت نفسها الفترة إللى جاية
وربنـا يكرم أميـر عبد الحميـد فى المباريات إللى جاية لإنه مقبل على مبـاراة هامة وهى مبـاراة القمة كمان كام يوم
وإحنـا كا جمهور أهلاوى واعى .. مانحطش فى دماغنا أى لاعـب " عمـل إللى فى مزاجه من غير إستشارة حـد "
سيبنا من الحضرى وإبراهيم سعيد وحسام حسن بجد بلاش نتكلم فيهم تانى
تاريخ الحضرى كبير مع الأهلى كبير أوووى
وعمرنا ماهننساه طبعا
لكن إللى عمله للأسف صعب إنه يتنسا .. وإن كنا مش مسامحينه .. فا مش هنقدر نكرهه
لإن إللى بيحب حـد مستحيل يكرهه بكـل سهولة
* عاوزين نـبص لأدام شوية ... نبص لمستوى فرقتنا بقا عامل إزاى
نشوف الأهلى ليه دلوقتى بيكسب بطلوع الروح وبأقل مجهود !!
اللعيبة حماسها قل ليه عند السنوات إللى فاتت ... عشان شبعوا بطولات ؟؟؟
الله أعلم .. بس كدة بيضر مصلحة الأهلى لو هما مش عارفين
اللعيبة إللى عاوزة تحترف فى الأهلى بدون ذكر أسمـاء , عاوزين يحترفوا إزاى بالمستوى إللى ظهروا بيه دة بإستثناء أحمـد فتحى
عاوزين نفكـر فى إللى جاى . عندنا بطولة أفريقيا .. مهمة جديدة وصعبة ولازم كلنا نبقا ورا الفريق
بإذن الله أميـر عبـد الحميـد يبقا عند حسن ظن الجميـع .. وأولهم منتخب مصـر يـارب
مش عاوزين نكلم فى اللى راح .. خلينا فى النهردة وفى اللى جاى لإن إللى جاى صعـب وعاوز مجهود عشان نحافظ عليه ( بطولة الدورى)
وعاوز مجهود أكتر عشان نسترد بطولة أفريقيـا بإذن الله
موضوع: مـن اليـوم ... هـذا زمـن أمـير عـبـد الحـميـد 
الأحد فبراير 24, 2008 5:29 pm
